Category Archives: Infantil

Programa de celebracións e horarios – 1ª parte

Pregón-Concerto de Semana Santa (a cargo do Grupo Vocal Escolma Coralis):

venres, día 7 de abril (non o sábado como está escrito en Pobo de Deus), ás 20,30 hs.

Celebracións comunitarias da Penitencia:

Para os nenos da Catequese: o martes, día 4 de abril, e o mércores, día 5, ás 18,30 hs.

Domingo de Ramos:

Bendición dos ramos en tódalas misas.

Bendición solemne na misa das 11 da mañá.

Catequese para adultos

Lembramos a formación permanente para adultos deste primeiro xoves do mes de abril. Coma sempre, despois da misa da tarde, coa persoa de sempre, José Ramón Amor, que falará da virtude da dilixencia e da súa inimiga, a preguiza.

Primeiras actividades de Semana Santa

Na folla que se poñerá nas mesas nesta fin de semana xa vai o anuncio das primeiras actividades de Semana Santa:

- Martes, día 4 de abril, e mércores, día 5, ás 6,30 da tarde, CELEBRACIÓN PENITENCIAL PARA NENOS E MOZOS.

- Venres, día 7 de abril, ás 8,30 da noite, Pregón-Concerto da Semana Santa Parroquial a cargo do Grupo Vocal Escolma Coralis. MOITO OLLO: NA FOLLA, POR EQUIVOCACIÓN NOSA, VÉN CUNHA DATA EQUIVOCADA.

Encontro Diocesán de Nenos

Deixámosvos fotos da participación de nenos e catequistas da nosa parroquia no IV encontro diocesán de nenos das catequeses parroquiais de toda a diocese no pasado sábado día 30 de abril en Santiago de Compostela para gaña-lo Xubileo da Misericordia.

As imaxes pertencen ás actividades feitas no Seminario Menor de Belvís, no parque de Bonaval, en San Martiño Pinario e, finalmente, na Catedral. Fonte: http://www.depasxuventude.com/2016/05/iv-encuentro-diocesano-de-ninos-jubileo.html e http://www.depasxuventude.com/2016/05/iv-encuentro-diocesano-de-ninos.html

Avisos catequéticos

Hoxe e mañá, a partir das 18.30 hs., comezará a catequese parroquial de nenos, segundo os cursos escolares.

Este venres, ás 20 hs., están convocados os mozos de Confirmación á súa reunión semanal de catequese.

Moi importante para os maiores: as charlas de formación permanente para adultos terán lugar O SEGUNDO MÉRCORES DE CADA MES, ÁS 20.30 HS., NO NOVO SALÓN DE ACTOS. Polo tanto, a primeira charla será este mércores, día 8.

Fotos do pasado…

Representación da Adoración dos Magos, Festival de Nadal da Parroquia, r/ Barcelona, 13, 18-12-1993, arquivo de Carlos Platas Seixas.

Como curiosidade, diremos que un dos guitarristas que conducían a velada é o actual director da Orquesta Gaos da nosa cidade, Fernando López Briones.