Monthly Archives: diciembre 2015

Pobo de Deus nº 758

Felices Pascuas

De todo corazón desexamos unhas Santas Pascuas da Natividade de Noso Señor.

Foto: María Eugenia Herráez Avilés.

Segundo concerto de panxoliñas

Despois do éxito do concerto de onte, co noso agradecemento fondo a Escolma Coralis e Canta Compaña e tamén á coral visitante Eixil, anunciámo-lo próximo concerto preparatorio das Festas do Nadal.

O xoves vindeiro visitarannos as corais “Adonais” da parroquia de Santiago Apóstolo de Arteixo e “Follas Novas” no habitual concerto que organiza esta última coral. Ademais, no entreacto tocarán as violinistas Mariam e Diana Poghosyan (pedimos perdón por trabucarnos no apelido nos carteis que fixo a Parroquia).

Coma sempre, despois da Misa da tarde (Aviso importante: por este concerto, non se poñerán intencións de defuntos nesta misa).

Primeiro concerto de música de Nadal

O Grupo Vocal Escolma Coralis, que ensaia tódalas semanas na Parroquia, en colaboración coa Asociación Cultural Canta Compaña, organizan un concerto de panxoliñas na nosa igrexa parroquial.

Ademais destes dous grupos, virá, desde Cedeira, como grupo convidado, o Coro Eixil. O concerto comezará despois da misa das 8 da tarde de MAÑÁ, SÁBADO, DÍA 12.

Desde a Parroquia agradecémo-la colaboración permanente de “Escolma Coralis”.

Pobo de Deus nº 757